طبعا كلنا عارفين انك بتطلع فى جوجل بكلمات عن طريق موقعك وسواء الكلمات الى انت بتظهر فيها فى جوجل نتيجة اولى او تانية او تالتة او 15 حتى، وطبعا عارفين ان اكتر موقع بيحصل على عدد زوار هوا الى بيكون موجود فى النتيجة الأولى طيب فكرت تمسك نتيجة رقم 0 فى جوجل وتسبق صاحب النتيجة رقم واحد.
 |
| الوصول للنتيجه رقم زيرو"0"فى جوجل |
النهاردة هنتكلم عن
FeaturedSnippets ودى من خلالها هتقدر تحصل على النتيجة رقم 0
طيب هى اية الFeatured Snippets ?
الموضوع بدأ فى 2014 لما بينج وجوجل كانوا عايزين يسهلوا موضوع البحث على الشخص الى بيبحث عن حاجة سريعة أو بيسأل سؤال أو بيعمل بحث صوتى فوجدوا ان أحسن طريقة من خلال Featured Snippets ودى بتكون على شكل بوكس بيظهرلك فى البحث لما بتبحث عن حاجة معينة زى ما موجود فى الصورة رقم 1، فبكدا الشخص ممكن يلاقى اجابة للحاجة الى بيستفسر عنها أو جزء منها قبل ما يدخل الموقع بتاعك والبوكس دى ممكن تكون على شكل نقاط او وصف مختصر او فيديو او جدول
طيب أقدر أحصل على كام % من عدد الزوار من خلال الFeatured Snippets ?
تعالو كدا نعرف النتايج فى جوجل بتحصل على نسبة اية من عدد الزوار.
النتيجة الأولى بتحصل على 32% من الزوار
النتيجة التانية بتحصل على 17% من الزوار
النتيجة التالتة بتحصل على 11.4% من الزوار
والFeatured Snippets بتحصل على 17,2% من الزوار
يبقى تخيل كدا لو انت موقعك ظاهر بكلمة معينة نتيجة تالتة وبتحصل على 11.4% من الزوار وكمان ظاهر بنفس الكلمة فى Featured Snippets وبكدا معاك كمان 17.2% من الزوار
يبقى انت كدا بيدخلك 28.6% من الزوار الى داخلين جوجل يعنى قربت جدا جدا من صاحب النتيجة الأولى
طيب هل لازم أكون نتيجة أولى علشان ابقى فى ال Featured Snippets ?
لا مش لازم خالص . مفيش تصريح رسمى من جوجل بيتكلم بخصوص النقطة دى وجوجل سايباها عايمة لاكن فى تقرير نشرة موقع Ahrefs بيقول انك 99.2% من الناس الى بتظهر فى الFeatured Snippets بيكونو موجودين فى أول 5 نتايج فى جوجل
يعنى بأختصار انت لو مش ظاهر بكلمات موقع فى ال Featured Snippets فانت بتضيع من ايدك كنز زوار حرفيا تقدر من خلالة تزود زوار موقع بنسبة 17.2% وشوف دولت هيفرقو معاك اية فى النتايج دة غير ان الناس لى بتظهر فى ال Featured Snippets بيكون عندهم فرصة أكبر انهم يبقو نتيجة رقم واحد فى الكلمة دى
طيب اية هيا أنواع ال Featured Snippets وازاى نظهر بيها فى جوجل بموقعنا ؟
دة بقى الى هنتكلم عنة الموضوع الجاى لو انت مهتم وعاوز تعرف أنواع ال featured Snippets وازاى تهيئ موقعك ليها عرفنى فى التعليقات، واعمل اشتراك فى بريد المدونه فى الأسفل علشان يوصلك كل جديد.
تعليقات
إرسال تعليق